గ్యాంగ్ లీడర్ టైటిల్ పై గొడవ

టాలీవుడ్ ఇండస్ట్రీలో టైటిల్స్ పై రచ్చ ఎప్పుడూ జరుగుతూనే ఉంటుంది. ఇంతకు ముందు మహేష్ బాబు నటించిన ఖలేజా మూవీ, కళ్యాణ్ రామ్ నటించిన కత్తి మూవీ టైటిల్స్ పై కూడా ఇదే విధమైన రభస జరిగింది. అయితే దాన్ని నివారించడానికి మహేష్ బాబు తన సినిమాకి మహేష్ కాలేజా అని, కళ్యాణ్ రామ్ తన సినిమాకు కళ్యాణ్ రామ్ కత్తి అని పేరు పెట్టి దానికి తెరదించారు.

అయితే ఇప్పుడు రీసెంట్ గా నాని హీరోగా విక్రమ్  కె కుమార్ దర్శకత్వంలో వస్తున్న మూవీ కి గ్యాంగ్ లీడర్ అనే టైటిల్ని ఖరారు చేశారు.

రవి కిషోర్ దర్శకత్వంలో మోహన కృష్ణ హీరోగా వస్తున్న సినిమాకు కూడా గ్యాంగ్లీడర్ అని పేరు పెట్టారట. అయితే ఈ టైటిల్ ని నాని మూవీ కన్నా ముందే రవికిషోర్ మూవీకి తమ మూవీ కి ఖరారు చేసుకుంటామని ఒక వివాదం తెరలేపారు. అయితే నాని దీనికి స్పందిస్తూ ఇటువంటి విషయాలు మా దాకా రాలేదు అని తోసిపుచ్చాడు.

నాని నటిస్తున్న గ్యాంగ్లీడర్ సినిమాకి టైటిల్ ని మారుస్తూ నాని గ్యాంగ్ లీడర్ అని ఫిక్స్ చేశారు. మెగాస్టార్ చిరంజీవి నటించిన చాలా సినిమాల టైటిల్స్ ను గానీ, పాటలు గానీ వాడుకొని కుర్ర హీరోలు హిట్ కొట్టడం జరిగింది. అందుకోసమే ఈ రచ్చ అంతా కొనసాగుతుంది. కానీ టైటిల్స్తో ఏముంది సినిమాకి స్టోరీ ఇంపార్టెంట్. మరి ఏ గ్యాంగ్లీడర్ ప్రేక్షకుల ఆదరణ పొందుతుందో చూడాలి.